Introduction to Python
Coding is the future တိုးတက်ပြောင်းလဲနေတဲ့ခေတ်ကြီးမှာ ကျွန်ုပ်တို့အားလုံးဟာ ဒစ်ဂျစ်တယ်ကမ္ဘာကြီးဆီကို တရွေ့ရွေ့နဲ့သွားနေတယ် ဆိုတာကို ရိုးသားစွာ ဝန်ခံရမှာဘဲ ဖြစ်ပါတယ်။ အရာအားလုံးဟာ ဒစ်ဂျစ်တယ်စနစ်ဖြစ်လာပြီး Apps တွေကို လူ့အဖွဲ့အစည်းရဲ့နေရာအနှံ့မှာ အသုံးပြုလျက် ရှိနေပါတယ်။ နေ့သစ်တိုင်းမှာ အမျိုးမျိုးသော Artificial Intelligence နည်းပညာသစ်တွေကို ဖန်တီးနေပါတယ်။ အရင်က အလုပ်လျှောက်လွှာလေးတွေကိုင်ပြီး တစ်နေရာဝင် တစ်နေရာထွက် အလုပ်လိုက်လျှောက်ခဲ့ရတဲ့ ဘဝကနေ ခလုပ်တစ်ချက်နှိပ်ရုံနဲ့ ကုမ္ပဏီပေါင်းများစွာကို မိနစ်ပိုင်းအတွင်း အလုပ်လျှောက်လွှာပို့နိုင်တဲ့ အဆင့်ထိကိုရောက်လာခဲ့တယ်။ ကားစီးတဲ့အခါ စျေးဝယ်တဲ့အခါ ပိုက်ဆံကိုင်စရာ မလိုတော့ဘူး။ အားလုံး ကတ်စနစ်နဲ့ဖြစ်သွားပြီ။ ကျွန်ုပ်တို့ သတိမထားမိလိုက်ခင်မှာဘဲ ကျွန်ုပ်တို့၏အိမ်များကို သန့်ရှင်းစေပြီး ကျွန်ုပ်တို့၏ကားများကို အလိုအလျောက် မောင်းနှင်ပေးတဲ့နည်းပညာများစွာ ထွက်ပေါ်လာနေပြီ ဖြစ်ပါတယ်။ ဒါကြောင့် ပရိုဂရမ်ရေးသားခြင်းဟာ အဖိုးမဖြတ်နိုင်တဲ့ ကျွမ်းကျင်မှုတစ်ခု ဖြစ်လာသည်မှာ အံ့သြစရာမဟုတ်ပါ။ ဒါကြောင့်လည်း ယနေ့ကမ္ဘာကြီးမှာ နှစ်စဉ်နှစ်တိုင်း ပရိုဂရမ်မာလိုအပ်ချက်က တစ...